Македонија и денес ќе биде зафатена со снег и ниски температури

Како што соопштуваат од АМСМ опасност во возењето претставуваат токму ниските температури и мразот кој се наоѓа под новоформираната снежна покривка кој тешко може да се забележи. Сообраќајот се одвива во зимски услови по влажни коловози, со остатоци од снег, а поради ниски температури особено треба да се внимава на можна појава на голомразица на патиштата. Токму и затоа се препорачува исклучително внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е почеста  појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Д. Капија – Удово, Катланово – Велес, Крушево – Демир Хисар и Ресен – Буково.

Воведена е и забранa за движење на тешки товарни возила и тоа на планинските премини Стража, Плетвар, Ѓавато и Пресека, како и на патниот правец Маврово – Дебар каде утрово беа забележани најинтензивни врнежи со снег и најниски температури. Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата.

barate

loading...

Booking.com