Како Шпанците го започнуваат својот ден и со што ги полнат батериите за нови работни победи? Ви ги откриваме посебностите на појадокот во Шпанија...

shpanskipojadok1

Од мали нозе ни кажуваат дека појадокот е најважниот оброк во денот. Тоа е првиот оброк со кој го започнуваме новиот ден, па затоа е важно да биде богат со намирници кои се му потребни на нашиот организам како би имале доволно енергија за сите предизвици кои не очекуваат. Појадокот во Шпанија е многу едноставен – воглавно го сочинуваат кафе, чај или топло чоколадо, кои се послужуваат со пржени колачи, наречени чуро (churro). Но, таквиот обичај е чест во големите градови каде што поради забрзаниот ритам на живеење луѓето немаат време за подготовка на обилен оброк. Со шолја кафе знаат да изедат и тост со маслиново масло, која е честа состојка во шпанската кујна. Откако комплетно ќе се разбудат, што значи кога се спремаат и појдат на работа, сепак изедат нешто поконкретно како омлет или запечен сендвич со шунка и сирење, познат како сендвич – миксто.

shpanskipojadok2

Она што Шпанците го имаат за појадок зависи не само од начинот на живот, туку и од регионите во земјата каде што живеат. Така на пример фармерите чија што работа е физички напорна, го започнуваат денот со обилен и калоричен појадок како би имале доволно сила и енергија за да ги извршуваат тешките физички обврски. За разлика од нив, оние кои живеат во градовите – во случајов, мислиме само на оние кои не извршуваат тешки физички работи – и кои работат во канцеларија, имаат скромен појадок. Некои од популарните состојки за појадок во Шпанија се кафето, лебот, доматите, екстра девствено маслиново масло, сол и димена шунка. Тоа се воедно и состојките на јадењето наречено Пан Тумака, оброк кој е обележје на Каталонија. Имено, појадокот во Шпанија се разликува како и самата географија на државата. Во Андалузија поголемиот дел од храната е лута и многу зачинета, додека западниот регион Естремадура е познат по колбасите и шунката кои таму се важна состојка на појадокот.

Денес Шпанија е отворена за различни култури ширум светот, од кои презема различни обичаи и навики. Тие од Америка во Европа ги имаат донесено состојките кои во куните низ Европа се користат скоро секој ден. Во минатото, Маурите имале големо влијание како на самата Шпанија како држава, така и на нивната кујна, што и денес е видливо по употребата на намирници кои Маурите ги имаат донесено во тоа подрачје, како што се мелените бадеми и зачините како шафран, цимет, оревчиња и слично.

Појадокот на шпански начин вклучува неколку видови леб, путер, џем од маслиново масло и природен овошен сок, а кафето служи како заокружување на циклусот на Шпанците, будејќи ги за денот кој што е пред нив.

Затоа од големата палета на вкусни оброци, ние се решивме да ви го претставиме еден од познатите шпански рецепти, кој истовремено е и едноставен за подготовка. А тоа е

Шпанска тортиља од компири

shpanskipojadok3

Потребни состојки:

1 главица кромид
2 компири од средна големина
4 јајца
Сол
Црн пипер
Маслиново масло
Рузмарин
150 грама печурки (може и кулен)
2 средни домати

Начин на подготовка:

Исчистете го компирот и кромидот исечете го на кругови. Во доста масло, на ниска температура, издинстајте го суровиот компир со кромидот, додека не омекне. Водете сметка компирот да не добие румена боја. Изматете ги јајцата додека не станат пенасти. Ставете сол и црн пипер по вкус. Додајте го зеленчукот и промешајте.

shpanskipojadok4

На страна, во чист сад, загрејте две лажици масло и потоа посипете го во мешавината од јајца и компири. Не мешајте, туку бргу распоредете ја смесата по целата тава. Потоа протресете ја, за да не се залепи. Кога долната страна ќе се испржи, внимателно завртете ја на другата страна, додајте лажичка масло и испржете го и на другата страна. Кога јајцата ќе добијат румена боја, тргнете ги од огинот и послужете ги.


РЕСТОРАНИ

Каде и што да јадете?
Највкусните јадења...
Оди во Шопинг »



ХОТЕЛИ

Хотели во Македонија
Рубрика за туризам...
Т. Агенции »



МОДЕРНА

Ахх.. модерни времиња
Рубрика за мода...
Трендови »



ШОПИНГ

Шопинг манија
Рубрика за шопинг ...
Попусти »



КУЛТУРАТОР

Party People
Секс, гламур и (не) култура ...
Настани »





Топ модели
Најдобрите модели од Македонија и светот...
Пријави се »


MAGAZINE

Разгледај го »


КЛУБ

Рекламирај се
Ако сакате вашиот бизнис да биде дел од Штипка, контактирајте не:
++ 389 71 318 485
Прати E-маил »


maskara
najdobrite-autfiti-na-kardashian

Кои беа најдобрите аутфити на Ким Кардашијан во 2014?


23 Ноември 2014, 08.54
 RED CARPET 
Кога станува збор за трендовите, Ким е една и единствена (впрочемн како и за многу други работи ...) Од краткиот топ што го носеше во Лос Анџелес, па се до преубавиот пастелен капут во Париз, госпоѓа Кардашијан, со своите модни комбинации, секогаш е во центарот на вниманието. Таа, без...
Прочитај повеќе »
spanska-paelja

Не знаете што за ручек? Наш предлог за денес - шпанска паеља


25 Ноември 2014, 12.55
 Рецепти 
Што може да биде покарактеристично за Шпанија од Паељата? Многу е тешко како турист да добиете добра паеља. Taa традиционално се готви во големи тави на жар од гранки од портокал, но денес ќе ви претставиме еден рецепт кој можете да го направите во Вашата кујна. ПОДГОТОВКА ШафранКромид...
Прочитај повеќе »