Ако планирате да претерате со храна (а и со алкохол) и имате грижа на совеста поради тоа, ова ви е одлична можност да преземете мерки за враќање во нормала.

Секако, доколку убаво се организирате постапката можете да ја спроведете и во текот на неделата.

Освежете се со природни сокови кои самите можете да направите во домашни услови и помогнете му на вашиот организам да се прочисти. Главни намирници што ќе ви помогнат во детоксикацијата се овошјето и зеленчукот. Помеѓу нив, најдобри се цитрусите (лимони, портокали, цитрони) кои се богати со витамин Ц и кои се вистински пријател на вашиот имунолошки систем. Покрај цитрусите, јадете и јаболки и киви, кои исто така многу помагаат за оваа цел.  Што се однесува до зеленчукот, изберете листест зелен зеленчук (кељ, спанаќ) кој претставува извонреден извор на железо, витамин К, витамин А, витамин Ц, калциум и  антиоксиданси. А токму тоа е она што најмногу ви е потребно по „напорните“ и секогаш „луди“ новогодишни празници.

РЕЦЕПТИ

За детоксикација на организмот

5 листа кељ или спанаќ, 3 јаболки, 1 лимон, 1 краставица

Начин на подготовка: измијте ги сите намирници и ставете ги во соковникот. Доколку не ви се допаѓа некоја од намирниците, слободно заменете ја со друга. На пример, наместо лимон можете да употребите портокал.

За зголемување на имунитетот

1 цитрон, 1 портокал, 2 киви
Подготовка: излупете ги намирниците и ставете ги во соковникот. Кивито содржи скоро двојно поголема количина на витамин Ц од што ви е потребно дневно, а цитронот и портокалот се уште посилни по ова прашање.

За убава и здрава кожа

1 јаболка, 1 круша, 1 рака цреши (наместо цреши можете да употребите кои било бобинки)

Подготовка: измијте ги убаво сите намирници и ставете ги во соковникот. Наведеното овошје содржи витамини А, Б, Ц и Е, т.е. лутеин кој учествува во создавањето на колагенот кој е одличен за помлад изглед на кожата.

Извор: Health.com, moda.hr

 

barate


МОЖЕБИ ЌЕ САKАТЕ ДА ГО ВИДИТЕ И ОВА

 

ПОПУЛАРНО


Booking.com

 

ШТО МИСЛИТЕ ЗА ОВА?