ban2

И есенскиот период, како и летниот, може да биде опасен за вашата линија

leto

Иако луѓето во зимскиот период најмногу се склони кон дебелеење, и есенскиот период може да биде опасен за вашата линија. Особено е опасно ако неодамна сте се вратиле од оние „All Inclusive“ аранжмани кои подразбираат храна во изобилство. Преку летниот период, кога сте на одмор, сакате да искористите што повеќе, и да пробате што е можно повеќе јадења и специјалитети. Ако не водите сметка, лесно можете да внесете и 5.000 калории, што е дупло повеќе од дневно препорачаните, а потоа следува периодот на зимници кои исто така неконтролирано внесуваме храна. Затоа, нутриционистите пресметале кои се најопасни комбинации и што би требало да отфрлите од вашето мени во овој период од годината. Англискиот појадок кој подразбира јајца, сланина, колбаси и тост, има 800 калории, кроасанот 270, а овесните снегулки само 125. Една лименка кока кола има 140 калории (сами пресметајте колку калории има во едно шише од два литри кои некои го пијат во еден ден), а капучиното е богато со околу 70 калории. За ручек воздржете се од хамбургери со сланина и помфрит, кој има 700 калории, а за вечера прескокнете шницли и помфрит кои содржат околу 600 калории. Шпагетите имаат 360 калории, исто колку и парче торта. Затоа, истрчајте еден круг повеќе или качете се преку викенд на некоја планина и пешачете неколку километри. И размислувајте внимателно пред да посегнете по кој било оброк, за да не се разочарате од бројките кои ќе ги покажува вашата вага кога ќе застанете на неа.

 

barate

 

loading...


МОЖЕБИ ЌЕ САKАТЕ ДА ГО ВИДИТЕ И ОВА

 

ПОПУЛАРНО


Booking.com

 

ШТО МИСЛИТЕ ЗА ОВА?